政府噚日就推出咗第二輪防疫抗疫基金，榮獲「全球第二高薪領導人」嘅林鄭都似乎敵唔過巨大民意壓力，宣佈同司局長減薪一成。不過對於「捐人工」，唔同黨派都有唔同立場同做法，就好似公民黨咁，講到明唔想將啲「人工」變返做政府公帑，寧願直接將啲錢捐畀啲機構，幫助返啲有需要嘅抗爭者。不過佢嘅答案就似乎考起咗啲「異常邏輯思考」嘅左報記者啦，仲話公民黨啲人工唔係公民黨，真係令人搲爆頭。
噚日林鄭講完第二輪防疫抗疫基金之後，公民黨就被問到會唔會「捐人工」，楊岳橋就話公民黨對於「捐錢」持開放態度，但唔係必須，可以再作討論。佢又話就算同意減薪，都唔想將減薪款項變成政府公帑由政府分配，「就算真係捐，我哋都會照顧有需要、參與黃色經濟圈。」而楊岳橋嘅答案就引起咗「異常邏輯思考」嘅左報記者追問：「點解你淨係畀黃色經濟圈？全港市民都受緊苦㗎喎！點解要用公帑啲錢？」楊岳橋反問記者：「啲錢係我哋，係畀咗我哋嘅薪水嚟。」左報記者繼續追問楊岳橋：「啲錢（人工）畀咗你就係你㗎嘞？」楊岳橋「吓」咗一聲：「對唔住，我唔係好明你個邏輯，諗清楚大家。」
-----------------------------
讀果上架
-----------------------------
App內1-Click訂閱《蘋果動新聞》
來源 source: http://hk.entertainment.appledaily.com