天籟「魔音」似被撒旦吻過的聲音，每粒字似唱到走音邊緣，原來警務處處長鄧炳強的太太擁有真心而獨特的唱腔，歌聲好似有一種魔力！
警隊昨晚與晨曦明星足球隊踢波，之後舉行晚宴，面對武漢肺炎肆虐，早前港大微生物學系講座教授袁國勇呼籲市民減少聚會，保持個人衞生，以拖慢社區大爆發的機會，亦叫大家到人多的地方盡量戴口罩。
不過警務處處長鄧炳強、香港警務處人事部遴選委員會總警司謝振中率警員不用戴口罩，與一眾藝人又唱歌又雞啄唔斷，齊齊夾餸吃飯，不時大叫大笑，又攬又抱，藝人梁競徽更向謝振中送上熱情擁抱。
而警務處處長鄧炳強亦攜愛妻現身，原來他的太太是譚詠麟的fans，阿倫更好識做，上台跟警嫂合唱《明天你是否依然愛我》，而警嫂亦自信地晒出「魔音」，在場的人仍然落力拍手，認真夠足面，謝振中亦拿着手機為警務處處長夫人拍片，聽到警嫂的歌聲，阿倫就舉起手指公：「起碼一樣嘢啱key」
之後鄧炳強拎住咪發言：「真係好憎你（譚詠麟），因為我老婆鍾意你，仲多過鍾意我。」阿倫忍不住叫：「呢個咁大罪名。」鄧炳強主動捉着阿倫的手說：「冇辦法喇！因為我都鍾意你。」此外，早年曾傳盧惠光為成家班打足33年，最終被成龍無故解僱曾陷低潮，昨晚他亦與成龍同場，不過他被拉上台跟曾志偉、方中信、阿倫、鄧炳強、林國斌等合唱《朋友》，亦不介意大方與成龍同台。
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com