繼「阿布泰國生活百貨」昨日大賣口罩幫助市民後，香港首富李嘉誠旗下的屈臣氏連鎖店，今日亦接力推出剛運抵本港的新一批口罩，但暫時只能提供每間約20盒手術口罩，又指每間分店到貨時間不同。
在香港仔中心廣場屈臣氏分店，排頭位的陳女士於凌晨4時許到場排隊，至今早8時許買口罩的人龍已近400人。陳女士指自己一家4口，只剩下一盒口罩，所以在沒有其他辦法之下，都要在凌晨開始排隊買口罩，「政府咁搞法，都冇計」。
街坊鄧小姐表示，家中只剩下10個口罩，希望政府「運多啲口罩嚟，李嘉誠都搵到，佢就搵唔到，搞到我哋好恐慌，關口又截啲唔截啲，搞到我哋好惶恐」。鄧小姐稱，都有透過其他渠道購入口罩，包括網購，但不少朋友網購都被「cut單」。對於香港作為一個國際城市，市民居然要為買口罩而通宵排隊，鄧小姐認為「好瘋狂，唔應該發生，政府冇做過任何措施保護我哋市民」。
街坊劉女士今早5時半到分店門外排隊，但至8時許職員派籌時，得知自己沒有機會買到口罩，明言心情「好沉重」，因為家中只有30多個口罩存貨，她希望政府出手幫助市民，「買多啲口罩，最好唔好係大陸貨，買多啲洗手液，做多啲措施」。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線或致電：63836568
來源 source: http://hk.entertainment.appledaily.com