【武漢肺炎●青衣】青衣站400人屈臣氏排隊 市民批政府太遲封關:佢係幫中央 _.,新型肺炎,武漢肺炎,

【09:08】在青衣城分店排頭位的洪先生表示,在青衣站6時開閘前,他約5時45分已到達,他一家四口包括父母及胞姐,分工合作到不同地區的屈臣氏排隊輪候買 ...






【09:08】在青衣城分店排頭位的洪先生表示,在青衣站6時開閘前,他約5時45分已到達,他一家四口包括父母及胞姐,分工合作到不同地區的屈臣氏排隊輪候買口罩,皆因家中只剩下4個口罩,「只能頂到一、兩日,唔出門就冇嘢啫,出去全日就要口罩。」他去過不同藥房,都貼出告示指口罩、消毒藥水都沽清,他坦言很無奈,「咁樣撲口罩,對香港人嚟講好辛苦,政府搞咁大壇嘢出嚟,又唔做啲嘢,連講吓幾時有口罩供應都冇,相比澳門做法,我哋唯有靠自己,對香港政府一定有不滿,唔係第一日,其實已經對政府好失望,唔好諗點樣幫香港市民,佢唔係幫香港市民,佢係幫中央。」

洪先生出動全家到不同屈臣氏輪購口罩,他指旺角都有藥房出售口罩,「成300至400蚊一盒,但唔知邊度嚟,呢度(屈臣氏)起碼衞生都好有保障,呢啲係信心問題。」

【08:30】香港仔屈臣氏分店,亦有近400人在門外大排長龍,等候店舖開門買口罩

-----------------------------

繼「阿布泰國生活百貨」昨日大賣口罩幫助市民後,香港首富李嘉誠旗下的屈臣氏連鎖店,今日亦接力推出剛運抵本港的新一批口罩,但暫時只能提供每間約20盒手術口罩,又指每間分店到貨時間不同。

在港鐵青衣站屈臣氏分店,清晨6時許已有約200人排隊,大部份市民不知道每間分店只有約20盒口罩出售,有市民表示知道,但仍打算博一博。有長者因霸位問題發生爭執,至早上8時許,已有400人排隊。

其中在土瓜灣馬頭角道欣榮花園分店,清晨5時許亦有10多人排隊,排第一的袁太,身穿厚厚上衣,凌晨4時已到場,「早係因為阿仔話有人排,諗住落嚟睇吓有冇,夠20個就返屋企,點知落到嚟第一個。」她表示家中只剩下數個口罩,即使只可購買一盒亦需要購買,「你又唔敢買啲不明來歷嘅口罩,買啲大陸嘅又唔安全。買唔到都無法子,見步行步。」

袁太又批評政府防疫工作,「一啲都冇關心市民,淨係叫人唔好出街,係咪個個喺屋企等死?!封關梗係太遲,一早就應該要,而家先話封關,都唔知幾多人感染咗。」

另外,佐敦道的屈臣氏門外,亦有數名市民通宵排隊等候購買口罩,仍在讀書的梁小姐表示,清晨5時許已到場,她表示家中口罩差不多用完,「應該捱到兩日,(一路都買唔到口罩?)買唔到,我呢個都係中童口罩。」

在彌敦道旺角分店,最少有30人排隊等候,排頭位的甘先生表示,凌晨3時半已到場等候,他表示不知屈臣氏的出售數量,「淨係知有得賣,因為周圍都無得賣。」任職保安的他表示,口罩很重要,是生活上的必需品,又認為政府不可以隨便封關,要考慮很多因素。

-----------------------------

【匿名港警爆大鑊】

韓國KBS時事節目《時事直擊:香港 被自殺》

一按即睇

-----------------------------

【撐學生】

召集有心人 撐學生全年睇《蘋果》

立即按此

-----------------------------

你敢爆,我敢獎! 立即WhatsApp《蘋果》24小時爆相爆片熱線致電:63836568









袁太凌晨4時已在土瓜灣馬頭角道欣榮花園分店外排隊。唐家輝攝


彌敦道旺角分店約有30人排隊。江寶龍攝