【記者潘柏林、朱永倫、張柏基東京直擊】
日本被戲稱為香港人第二個「鄉下」，上月有近21.9萬人次港人訪日，佔日本旅客總人數8.2%。不過隨著日本疫情加劇，記者連日在東京做街頭訪問，不止普通話，連廣東話也少聽到。有港人改變行程，放棄大城市，改去偏遠小鎮「避疫」。Benjamin每年都會與媽媽和舅父到北海道遊玩，唯獨今年特別想提早出發，「始終日本空氣清新啲，啲樓隔得開啲，所有嘢都乾淨。」
Benjamin指，日本口罩短缺情況嚴重，到北海道偏遠小鎮都沒有存貨，就連當地人都表示沒有口罩，故他亦掏出口罩送給對方。隨旅程快結束，他直言不想回港面對疫情，「我唔係好想返去。」
港人黎先生到日本旅行5日，他認為日本人戴口罩比率較少，衞生常識較好，但防疫意識較差，「佢哋對疫情果樣嘢無咁大反應，我唔知係咪香港經歷過沙士之後，好似特別大反應，特別驚。」他在行程上選擇東京近郊地方，「好似香港行山咁。」
他指，半個月前朋友去鹿兒島等地，口罩已被搶購一空，故他不打算花時間在日本搜購口罩。同行的朱小姐指，日本人對疫情不太擔心，與香港似在平行時空，「好似好正常，無事發生咁，但香港可能好緊張，搶口罩搶防疫用品，但呢邊就算無口罩，啲人都唔會覺得係啲乜嘢。」
-----------------------------
【未敢忘記】03年沙士重溫
讀果上架
-----------------------------
《果GYM》隨身播 健身壹App過！
來源 source: http://hk.entertainment.appledaily.com