【獨家】發哥收拾喪母之痛拉大隊行山 帶智叔米雪九龍城掃街 #周潤發 #發哥 #米雪

周潤發母親陳麗芳上月13日睡夢中離世,享年98歲,發哥與家人前日在沙田寶福山為發媽設靈,昨日出殯後靈柩奉移歌連臣角火葬場火化,發哥並遵從母親生前意願, ...






周潤發母親陳麗芳上月13日睡夢中離世,享年98歲,發哥與家人前日在沙田寶福山為發媽設靈,昨日出殯後靈柩奉移歌連臣角火葬場火化,發哥並遵從母親生前意願,低調舉行喪禮。

發媽走得安詳,發哥心情平靜,今日如常和廖啟智、米雪、白只等圈中行山好友一齊去行山,行完山再到九龍城行街覓食,更無懼疫情沒戴口罩。發哥泊好車後,去了舊式餅舖買麵包食,再帶隊去買蝦子麵及到南洋雜貨店買乾貨,臨走時還買了盒蛋撻西餅。

讀者程先生透過《蘋果》的「爆相爆片」報料,指今早大約10時半在九龍城,見到戴上cap帽、一身灰黑運動裝打扮的發哥,就如往常一樣,非常街坊平民,邊行邊吃,可能因為方便飲飲食食,發哥全程沒有戴口罩。程先生表示:「當時見到發哥落車,去咗買麵包食,又入咗間粉麵舖買嘢,跟住再去雜貨舖,同班行山友圍埋傾吓偈,去咗幾間舖頭,拎吓嘢嚟食咁,全程冇戴口罩,逗留咗個幾鐘至離開九龍城。」

《蘋果》致電智叔,講到有讀者今日見到他與發哥和米雪等一起現身九龍城,估計一行人之前一起行山,對此智叔說:「呢排個疫情,我哋都係行山多嘅。」發媽昨日出殯,未知發哥心情怎樣?是否已經平復?智叔說:「發哥同媽媽關係一向好好,媽媽離開對佢一定有衝擊㗎啦,但佢好豁達,佢話媽媽咁長壽係福氣,喺睡夢中離開係福氣,佢反映佢心情安慰嘅。」問到今日跟發哥到那裏行山時,智叔故作神秘說:「星期日我哋通常去啲人少嘅地方嘅,邊度就無謂講」

-----------------------------

第三屆最港電影大獎

按此立即投票

-----------------------------

【武漢肺炎】專頁

全民自救 抗疫資訊盡在《蘋果》



發哥行完山揸車落九龍城(讀者提供)


先去買麵包(讀者提供)


同白只邊行邊食(讀者提供)


再去買蝦子麵(讀者提供)


發哥拉大隊落九龍城(讀者提供)


再去雜貨舖(讀者提供)


發哥最熟九龍城(讀者提供)


行山日子有功,發哥fit到漏。(讀者提供)


臨走買咗盒蛋撻(讀者提供)


發哥經常拉大隊去行山(互聯網圖片)


發媽生前經常和發哥行街飲茶(資料圖片)