【一路好走】譚詠麟鐵粉肥萍離世無綫主播王鎮泉憶故人感傷悲 #無綫 #王鎮泉 #譚詠麟

娛樂圈超級粉絲，早年追隨譚詠麟（阿倫）超過20年的林楚萍（肥萍）今日離世，她過往瞓身支持偶像，經常會到偶像工作的地方等候，及後資訊發達，肥萍會在網上支持偶像。後期曾轉會喜歡上鄭俊弘，近期就成為無綫主播王鎮泉鐵粉，早前她的Facebook頭像都轉了和王鎮泉合照。

今日，王鎮泉在黃大仙工作時接受傳媒查詢，他神情悲傷表示：「工作時剛收到電話，立刻離開工作場地，同肥萍視像幾分鐘，過咗十幾分鐘後知道佢走咗，當時佢回應唔到我，只聽住我把聲音支持佢，知道佢身邊有屋企人陪住，希望佢走得安心。」王鎮泉對上一次和肥萍聯絡時，是月前他的生日，之後沒有對方消息，曾經探聽她身體狀況，日前才知道她入了醫院。

早前王鎮泉亦透過肥萍的朋友要求，拍攝片段支持她：「叫佢加油，快啲起身，應承咗同佢飲茶。」並表示與肥萍家人保持聯絡，盡量協助其家人辦理身後事，會送別對方最後一程，他哽咽說：「對我嚟講有人咁支持我，自己好感激，人生第一個燈牌都係肥萍幫我做，當時佢仲問我要咩顏色，我揀咗之後，佢提議我呢個冇咁癢眼，轉第二個顏色啦。」

採訪：卓寶花

攝影：林賓尼

-----------------------------

第三屆最港電影大獎

按此立即投票

-----------------------------

【武漢肺炎】專頁

全民自救抗疫資訊盡在《蘋果》

（facebook圖片）