【狗仔出更】戴志偉犯險公路停車傳公司下令與女友分組避風頭 #戴志偉 #曾志偉

59歲的前無綫藝人戴志偉雖然已由幕前轉任保險業，但TVB一代「御用奸人」仍深入民心。戴志偉和太太結婚多年，兩名兒子亦已大學畢業，但近日竟然爆出戴志偉疑背妻偷食，被影到與年輕女同事Candy十指緊扣沙灘漫步，私下約會頻密。

大批傳媒今日繼續在戴志偉的烏溪沙寓所守候，上午10時半左右，戴志偉揸住其座駕駛離寓所，在車內全程戴住口罩，他出門時都小心左顧右盼，發現傳媒採訪車後，即在屋苑附近的迴旋處不停兜圈，之後沿西貢方向行駛，一度想撇甩記者，見不成功，突然在公路上停車半分鐘，拿出手機反拍記者，非常危險。擾攘大約10分鐘，戴志偉最終返回寓所。

戴志偉今日沒有再落車爆粗鬧人，與昨日冇戴口罩高呼：「我冇戴口罩我光明正大！」情緒明顯有所收歛。有報道指戴志偉和「小三」Candy同屬有「保險界一哥」之稱連炎輝旗下，而Candy原本是化妝師，因為樣靚口才好，近年轉職做保險，因而認識戴志偉。有指梅艷芳生前買下的巨額保險都是由連炎輝負責，但連炎輝為人低調，據說他旗下多達300位代理，為免令行業聲譽受損，已下達「封口令」不准同事私下談論，又暫時將兩位當事人分組避風頭。

採訪、攝影：梁繼光、陳俊強、朱志聰

-----------------------------

【武漢肺炎】專頁

全民自救抗疫資訊盡在《蘋果》

戴志偉不停在屋企附近的迴旋處兜圈，未有落車。