相中可見在媽媽左手邊的BB，雖然閉着雙眼，但小嘴仔張開，似正在哭喊。至於伍家謙雖然戴口罩，從雙眼已感受到他初為人父的喜悅，而老婆的樣貌卻用卡通公仔遮住。他在留言透露兒子先出生，而女兒是妹妹，他形容一對龍鳳胎是「怪獸仔」和「怪獸女」，「今日上晝，小怪獸s前後腳咁出咗嚟喇！阿哥同細妹喊得好嘈，辛苦晒妳喇，衷心多謝咁多位朋友嘅關心同祝福」。
伍家謙今日接受《蘋果》訪問，剛榮升做爸爸，他心情興奮地說：「我有陪太太入產房，太太冇乜陣痛，因為佢選擇開刀生，當聽到BB喊聲時，我同太太都有流咗眼淚，做爸爸嘅感受，興奮、開心，感覺自己責任越來越大。BB幾多磅？醫生話要等佢哋收啲水，先有確實磅數。」
其實昨日他已在社交網透露要陪太太入院，更刻意與太太穿黑白色的情侶tee，他留言︰「着件香港tee，希望佢兩個會係堅強嘅香港仔女。」湊巧的是，原來大台新聞部特別旺生孖胎，之前就有前主播鄭萃雯和談美琪都是生孖B，他們可以組成一個「孖胎Club」，分享生孖B的點滴。
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com