【辣埋陸浩明】吳若希爆老公怕嘥時間唔打X機網民：點會畀佢入門 #吳若希 #陸浩明

吳若希（Jinny）推出新歌《這位蠢才》，為了谷宣傳，前晚屋企開live同粉絲互動，當她素顏玩直播，老公何兆鴻（Alex）在鏡頭後打機，兩公婆各有各玩，Jinny忽然當着鏡頭爆老公怕嘥時間唔打X機5至10分鐘，不過卻寧願花2、3小時打機，完全不明白老公對時間投入的觀念，她懷疑是自己有問題，Alex遭老婆玩踢爆，非常尷尬，被邀加入玩直播的林盛斌（Bob）都聽到好驚訝，衝口問吳若希：「你癲咗呀？定飲醉咗呀？叫我點答你？」

對於Jinny爆Alex大鑊，Bob今日回覆傳媒時說：「佢搞吓笑啫，突然講啲咁爆嘅嘢我都反應唔到，不過佢成日玩佢老公，佢老公好好人，又冇乜所謂，所以唔緊要嘅，呢排咁悶，畀大家花生吓，娛樂大家」問到Bob如果其妻Pearl同樣這樣爆料，他會怎樣？Bob續說：「同Jinny老公一樣，沉默是金，哈哈！」

網民卻熱烈討論，「做佢老公好慘」、「佢奶奶一定好後悔畀佢入門」、「知唔知醜？」、「真係幾癲，真係唔怕做老公冇面」、「家醜不出外傳，大門戶更甚……」、「出新歌又係時候煲話題」，也有網民期待Jinny仲有料再爆：「可惜佢唔後生，拍唔到《#後生仔傾下偈》，唔係一定更多嘢爆。」有網民回應：「套垃圾《後生仔》都冇人睇㗎喇，一個二個中大、港大、理大生，睇X住自己學校畀狗打都平行世界拍膠節目。」網民仲辣埋主持陸浩明：「6號40幾歲都扮後生仔，做後生仔傾下偈喇」、「做得啲大學生老竇仲喺度扮後生仔」。

-----------------------------

【武漢肺炎】專頁

全民自救抗疫資訊盡在《蘋果》

吳若希經常爆夫妻間秘密。（IG圖片）