【豪宅曝光】39歲莊思敏出嫁疫情下雙方父母用視像見證婚盟 #莊思敏

恭喜！恭喜！39歲的莊思敏（Jacquelin）今日與台灣珍珠奶茶店老闆楊秉逸（Brian）結婚，正式做楊太。Jacquelin今日在facebook上載婚禮片段，由朝早準備到簽紙一刻，最後成功將花球掉給妹妹莊思明，擺明是想對方快點跟楊明拉埋天窗。

Jacquelin和Brian沒有大排筳席，只在莊思敏的屋企及數十名親友見證下舉行簡單簽紙儀式，而莊宅亦因而曝光，二人在天台的泳池取景，而室內的裝修亦好富麗堂皇。由於疫情關係，雙方父母未有在場，而是用視像通話見證簽紙一刻，片中還聽到莊媽媽笑說：「都要用魚網絲襪畀佢（新郎）抖吓氣。」引來全場哄笑。一對宣誓時沒有喊動落淚，反而是在一片歡樂聲中，新郎哥完成簽紙儀式後，即離開坐位抹一額汗嗌：「好熱。」在旁有人笑說：「唔係抹眼淚，而係抹汗。」之後二人亦應在場親友要求，錫完再錫，十分甜密。

莊思敏今日回覆《蘋果》：「：「我冇特別感覺嘅暫時，因為今日嗰個氣氛係，全部都係朋友啦，所以個氣氛係開心歡樂嘅，真係啲friend開party咁囉，最好笑係因為雙方家長都唔喺現場，跟住video call（視像通話）佢哋啦，但有時佢哋講嘢我哋聽得唔係好清楚，所以都幾多蝦碌嘢嘅。係啦，而家暫時未有好特別嘅感覺做咗人老婆，可能遲啲慢慢會有轉變。」她自爆婚前一晚有與老公見面，她說：「我哋冇避忌，冇咩傳統斟茶儀式，又冇着中式禮服同開門利是，擺酒就遲啲先再算。」

新娘子先後換了三套禮服及婚紗，其中一套露腰裝，另一套是低胸魚尾婚紗，盡騷美好身材，她說：「婚紗係由好友Kev贊助，其實之前連婚紗相都冇影。」而片中見Brian摸一摸Jacquelin，問是否傳聞中有喜？她說：「只係肥咗，其實我有刻意減。」問到趕生B嗎？她說：「唔趕呀。」

-----------------------------

第三屆最港電影大獎

按此立即投票

-----------------------------

【武漢肺炎】專頁

全民自救抗疫資訊盡在《蘋果》

（youtube截圖）