【三缺一】楊思琦無懼疫情帶囝囝影寫真 合照未見爸爸出鏡 #寫真 #楊思琦

41歲的楊思琦去年驚爆大肚兼已嫁圈外老公,今年2月公佈生了囝囝「豬豬」,她做單親媽媽時生下的長女楊卓穎(Krystal)已8歲,非常歡迎家中多了繼父和 ...






41歲的楊思琦去年驚爆大肚兼已嫁圈外老公,今年2月公佈生了囝囝「豬豬」,她做單親媽媽時生下的長女楊卓穎(Krystal)已8歲,非常歡迎家中多了繼父和弟弟,思琦苦盡甘來,組織幸福四口之家。

思琦尤其冧爆前世情人,特別帶囝囝往影初生BB寫真,她今日就在IG分享了靚相及短片,她抱着囝囝有子萬事足,當然也有Krystal及與同母異父的弟弟合照,也有三母子相片,但囝囝父親依然成謎,思琦老公未有出鏡,亦未貼出全家福。近日武漢肺炎社區大爆發,問思琦可擔心帶BB去影相?她今日回覆《蘋果》時說:「有擔心㗎,始終BB咁細個,但好想同佢影吓啲啱啱出世相,好難得,BB每日大都有好多唔同變化,好想影下佢個BB仔樣,佢第日大個可以睇番。去到影相地方,佢哋好好消毒晒,工作人員同攝影師都戴口罩,我安心好多,今次影咗好多靚相,好滿意,之前家姐唔喺香港出世,冇咗咁好機會,細佬喺香港出世就好方便,可以安排,我陀緊佢時,都好想等佢出世同佢影輯BB仔靚相,終於同佢影咗喇!」

鏡頭下的「豬豬」很可愛,酣睡中的他十分合作,思琦在IG貼相後說:「我是豬豬,今次mummy帶我去影『寫真』!嘩!係『初生寫真』啊!第一次影靚仔相,勁開心!哈哈,原來有幾個造型㖭!你哋鍾意邊款多啲?又有咁多靚姐姐同我着靚衫、扮型仔,幫我開暖氣,打靚燈!個個都錫晒我,對我好好喔!最驚喜係,原來佢哋仲安排左一張超舒服的床畀我瞓!等我全程可以瞓住覺嚟影相,秉承我豬豬一向貪睡的本色,真係好嘆呀!好多謝攝影師姐姐的耐心指導,教我擺出唔同嘅瞓覺姿勢嚟影相,張張相我都好鍾意啊!加埋豬豬family的成員一齊陪住我影相,實在太開心呢!等我可以留住美好一刻!返去要飲多幾樽奶,慶祝先得yeah!」

-----------------------------

第三屆最港電影大獎

按此立即投票

-----------------------------

【武漢肺炎】專頁

全民自救 抗疫資訊盡在《蘋果》

(IG圖片)


思琦有子萬事足 。 (IG圖片)


思琦和一對子女 。 (IG圖片)


思琦如願為囝囝影了BB寫真。 (IG圖片)


高難度甫士。 (IG圖片)


任舞擺甫士。 (IG圖片)


好可愛! (IG圖片)