【新增曹星如回應】
曹星如（Rex）奧運之路首關報捷，他於香港時間周六晚出戰奧運拳擊亞大區資格賽男子57公斤級組16強，結果以3:2擊敗塔吉克拳手薩基索夫（Bakhtovar Sagizov），躋身八強，香港時間周一晚將與世錦賽冠軍爭奪四強資格，只要取勝即奪奧運入場券。
今屆奧運拳擊亞大區資格賽由3日起於約旦首都安曼舉行，32歲的Rex籤運不俗，抽籤後首輪輪空直入16強，而且避過前四種籽。Rex 16強對手為塔吉克22歲拳手薩基索夫，他曾於2016年亞洲大學生拳擊錦標賽奪季，他去年參加世界業餘錦標賽則首圈出局，賽前Rex評價對手出拳變化多、速度較快，表示冀擺脫慢熱盡快入局。
Rex賽事排於第十場開始，不過此節賽事尚未開始時，他早早現身場館選手區，神情自若輕鬆。兩個多小時過後他終於出場，首局Rex開段不斷試採探對手，始後他兩次連擊打中對手頭部，對手腳步一時不穩後退，首回合後三名裁判判Rex佔優。第二回合Rex採反擊策略，雖未採主動，但幾次反擊皆命中對手頭部，裁判評分中他繼續佔優。最後一回合對手傾力出擊，Rex稍稍落下風，仍無阻他取勝。
Rex兩年前於修頓內豪言轉戰業餘拳後誓爭入奧，今日他終踏出重要一步，賽後他走到採訪區時激動非常，感言「比賽時我一直沉住氣，最後聽到係香港贏，真係好感動！」他表示一直緊隨教練指令控制距離，嘗試冷靜應戰，盡量反擊，「我都好緊張，仲興奮緊，打嘅時候都跟教練指令，要保持距離，要淡定，控制自己唔好急、唔好搏，所以每次還擊效果都好好。」戰畢前兩回合Rex比分佔優，他指當時已「勁開心勁感動」，惟比賽未完，他不敢怠慢，第三回合對手落後下反撲，Rex坦言無疑有點擔心，「我有少少擔心，對方開始迫我，因為我贏緊分，我就遊走多啲，盡量穩陣、做好防守。」始終業餘拳擊打法異於職業拳，他笑說最後關頭仍未擺脫昔日「衝前搏拳」的風格，「去到第三回合我忍唔住，好想衝埋去同佢迫，但一定要忍住呀。」
Rex與中華台北隊熟稔，比賽期間他們在觀眾席不斷提場，Rex指自己精神一集中動作便放慢，感激他們支持，不過他心底最感激的依然是遠在香港的港人和久久未見的妻子，他特借鏡頭千里傳情，「我下場會繼續努力，唔好擔心！昨日開始社交媒體好多朋友為我打氣，好多謝佢哋嚟到呢刻繼續支持，我之後會努力！」
今場過後，Rex將稍休一天，周一晚亮相八強對世錦賽冠軍、烏茲別克拳手米薩夏利諾夫，由於亞大區男子57公斤級組共有六張奧運入場券，只要屆時擊敗對手，Rex即如願入圍；即使落敗，周三晚他會轉戰名次賽，爭取最後一席。
記者：洪量丰
攝影：王子俊
-----------------------------
【武漢肺炎】專頁
全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports
來源 source: http://hk.entertainment.appledaily.com