獲中國捐款2,000萬美元的世衞（WHO），將來自武漢的新型冠狀病毒肺炎正式命名為「COVID-19」，中文稱為「新冠肺炎」，刻意避開了與中國有關的字眼；為中國護航者，還有工聯會何啟明。今早他出席立法會衞生事務委員會特別會議時，點名批評陳志全及張超雄將「新冠肺炎」稱為「武漢肺炎」，認為是抹黑中國，更稱「唔通沙士要加香港兩個字上去咩？」似乎何啟明有意抹黑香港。
中國外交部發言人曾批評，傳媒用「武漢病毒」和「中國病毒」等詞彙時是「極不負責任」，企圖讓中國背上製造疫情災害的黑鍋，「完全是別有用心」。即使武漢肺炎在中國大爆發後急速擴散，世衞亦致力為中國「洗白」。今早立法會衞生事務委員會今早召開特別會議，工聯會何啟明不滿有議員於會上將「新冠肺炎」稱為「武漢肺炎」，認為是抹黑中國。
「何苦喺香港要抹黑番自己國家？」
何啟明發言時全程雙手抱胸，點名指陳志全及張超雄「專登要將新冠肺炎叫做武漢病毒」感到「十分遺憾」，他稱：「我諗佢哋嘅用意大家好清楚，就係抹黑中國。但我想同佢講一聲，你喺香港，你可以好巴之閉咁抹黑中國，但係你去到外國，去到歐洲、美國，人哋唔理你香港人中國人，全部東亞嘅人，佢哋（指外國人）都一致咁樣歧視你，我話畀你聽！無論你係中國人越南人韓國人，一樣歧視你，何苦我哋喺香港呢個城市、我哋要抹黑番自己嘅國家呢？」
何啟明續指：「我諗呢個真係無意義嘅，主席（蔣麗芸）。我真係希望你再聽到有人用呢個詞語嘅時候，希望你會制止佢中止佢嘅講法。呢個係唔應該咁樣講法，唔通沙士要加『香港』兩個字上去咩？唔係㗎嘛，呢個病毒係世界……係全世界流行緊呢個病毒，唔係話邊度出現，就邊度抹黑佢，唔應該咁做。」
2003年2月，中山大學附屬第二醫院的退休教授劉劍倫攜妻來港入住京華酒店（九龍維景酒店）911號房一晚，成為將沙士傳播至香港第一人。早前藝人陸浩明在無綫節目談及03年沙士時，竟稱「因為嗰時香港係病毒源頭」，之後聲淚俱下再三道歉。聲色俱厲指摘別人「何苦要抹黑番自己嘅國家呢」的何啟明，又何苦要抹黑香港？
-----------------------------
讀果上架
來源 source: http://hk.entertainment.appledaily.com