【一路好走】陳志雲悼舊戰友 《鏗鏘集》前監製蕭景路離世 #鏗鏘集 #陳志雲

港台節目《鏗鏘集》前監製蕭景路日前因病於溫哥華離世,當年以「韋家晴」身份為《鏗鏘集》作旁述的陳志雲,接受《蘋果》訪問時,表示對對方離世一事感到愕然:「 ...






港台節目《鏗鏘集》前監製蕭景路日前因病於溫哥華離世,當年以「韋家晴」身份為《鏗鏘集》作旁述的陳志雲,接受《蘋果》訪問時,表示對對方離世一事感到愕然:「我上一次見佢就係《鏗鏘集》40周年,嗰次佢返咗嚟,我同佢做咗個專訪,係40周年嗰個聚會度播出嚟,我唔知道佢身體有啲乜嘢唔舒服,但係見佢嘅時候都係相當之健康。」提及過往跟蕭景路工作的點滴,陳志雲大讚對方做事認真,並指當年很羨慕港台有一位如此認真、有心的監製,他說:「蕭景路做嘢好認真,佢係節目監製,每一次我哋錄音做旁述時,佢多數都在場,就算佢人唔係度,稿件上都會見到佢啲痕跡,因為佢會逐隻字去改。我自己都成日想,當我係TVB工作嘅時候,我心諗如果我哋都有一位咁嘅監製就相當之好,因為佢對紀錄片嘅製作係好有熱情,真係擺心口落去好真,係一個絕對絕對百分百投入工作,同埋相信自己做緊嘅嘢嘅人。」

陳志雲指蕭景路雖然退休後便離開香港,但仍很關心香港時事,又不時會關心其近況:「佢退休之後離開咗香港,有時喺加拿大,又試過喺埃及,佢返嚟都會搵時間同大家聚下。佢係天主教主教辦公室工作時,我試過有一次想約樞機做訪問,都係通過佢,同埋佢都好關心我,每一次都問候我狀況,當時仲係官司未完結。」對於蕭景路離世,陳志雲表示非非惋惜:「喺呢度向佢家人致以最深切嘅慰問,我哋永遠記得佢。」

蕭景路1978年至1985年間擔任《鏗鏘集》編導,1985年被擢升為監製,與《鏗鏘集》並肩工作25年,而節目亦獲獎無數,成為港台皇牌節目之一。

-----------------------------

第三屆最港電影大獎

按此立即投票

-----------------------------

【武漢肺炎】專頁

全民自救 抗疫資訊盡在《蘋果》



《鏗鏘集》前監製蕭景路(右一)離世。(資料圖片)


陳志雲曾以韋家晴身份為《鏗鏘集》作旁述,跟蕭景路合作無間。(FB圖片)